குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்

விளக்கம்
¹ - (முனி) - இச்சொல் எல்லா புத்தகங்களிலும் bracket-களில் கொடுக்கப்பட்டுள்ளது.

² - ஸம ரஹிதாஸமான - 'ஸம ரஹித' + 'அஸமான' - இவ்விரண்டு சொற்களுக்குமே 'நிகரற்ற' என்று பொருளாகும். ஒரே பொருளுடைய இவ்விரு சொற்கள் அடுத்தடுத்து வந்தாலும், வேறுவிதமாகப் பிரிக்க இயலாமையினால், முதற்சொல்லுக்கு 'நிகரற்ற' என்றும், அடுத்த சொல்லுக்கு, 'தனிப்பட்ட' என்றும் பொருள் கொள்ளப்பட்டது.

³ - வ்ரு₂ஷப₄ ராஜ-ப - சில புத்தகங்களில் இச்சொல்லுக்கு, 'நந்தி' என்று பொருள் கொள்ளப்பட்டுள்ளது. 'வ்ரு₂ஷப₄ ராஜ' என்று மட்டுமிருந்தால் 'நந்தி' என்று பொருள் கொள்ளலாம். ஆனால், அடுத்து வரும் 'ப' என்ற சொல் 'தலைவன்' என பொருள்படுவதனால், 'நந்திக்குத் தலைவன்' (விடையேறும்) 'சிவன்' எனப் பொருள் கொள்ளப்பட்டது.

Top

⁴ - விராஜமான கவி ராஜ - சில புத்தகங்களில், இச்சொல்லுக்கு 'ஜடாயு' என்று பொருள் கொள்ளப்பட்டுள்ளது. 'விராஜமான' என்ற சொல்லில் 'விராஜ' என்பது 'பறவையரசன்' என்ற பொருளில் 'ஜடாயு'வைக் குறிக்கலாம். ஆனால், 'விராஜமான' என்பது ஓரு சொல்லாகும். அதனிலிருந்து 'மான' என்பதனைத் தனியாகப் பிரிக்கமுடியாது. அடுத்து வரும் 'கவி ராஜ' என்ற சொல்லிலிருந்தும் 'விராஜ' என்று பிரித்து, 'ஜடாயு' என்று பொருள் கொள்ளலாம். ஆனால், அதற்குமுன் வரும் 'க' என்பதற்குப் பொருளேதுமில்லை. எனவே, 'விராஜமான கவி ராஜ' என்பது 'ஜடாயு'வைக் குறிக்காது.
தியாகராஜர், தனது 'நாராயண ஹரி' என்ற 'யமுனாகல்யாணி' ராக கீர்த்தனையில், 'கவீன' - 'கவி'+'இன' - 'கவிகளில் சிறந்தோன்' என 'வால்மீகி' முனிவரைக் குறிப்பிடுகின்றார். அங்ஙனமே, இங்கும், 'கவி ராஜ' என்ற சொல்லுக்கு 'வால்மீகி முனிவர்' என்று பொருள் கொள்ளப்பட்டது.

விடையேறுவோன் - சிவன்
ஒளிரும் கவியரசன் - வால்மீகி முனிவர்
இராசதத் தன்மை - இச்சைகளினால் உந்தப்பட்டவை
மலையரசன் - மந்தர மலை
அரவரசன் - சேடன்
Top